Апастыль – гэта спецыяльны знак (штамп), які ставіцца на афіцыйных дакументах, што выдаюцца ўстановамі адной дзяржавы, для прызнання ў іншай дзяржаве. Такім чынам, у Польшчы можна паставіць апастыль толькі на дакументы, выдадзеныя ў Польшчы.
Пры дапамозе апастыля пацвярджаецца сапраўднасць подпісу, статусу службовай асобы, а таксама пячаткі і штампа на афіцыйным дакуменце. Сапраўднасць зместу дакумента апастылем не пацвярджаецца.
Апастыляванне з’яўляецца спрошчанай працэдурай легалізацыі дакументаў і дзейнічае толькі ў адносінах паміж дзяржавамі, якія падпісалі Гаагскую канвенцыю 1961 года.
Замежныя дакументы, засведчаныя апастылем, прызнаюцца ва ўсіх краінах – удзельніцах Гаагскай канвенцыі і не патрабуюць якой-небудзь іншай формы засведчання.